Қазақстан мен Ресейдің өнеркәсіп саласындағы әлеуеті талқыланды
Санкт-Петербург Халықаралық экономикалық форумы аясында «Ресей-Қазақстан. Ресей-Қазақстан диалогы. Қазақстан мен Ресейдің өнеркәсіптік ынтымақтастығы». Екі ел арасындағы экономикалық байланыстарды нығайтудағы маңызды кезең болған іс-шара Санкт-Петербургте өтті.
Панельдік сессияда Ресей мен Қазақстан арасындағы өнеркәсіптік ынтымақтастықтың ағымдағы және келешектегі жобалары талқыланды. Сондай-ақ, бірлескен жобалар, инвестиция, технологиялық алмасу және даму перспективаларын қоса алғанда, екі елдің өнеркәсіп саласындағы өзара іс-қимылының негізгі аспектілеріне ерекше назар аударылды. Қатысушылар екі елдің экономикалық тұрақтылығы мен орнықты дамуын нығайтудағы Ресей-Қазақстан әріптестігінің маңызын атап өтті.
Іс-шараға ҚР Ресей Федерациясындағы елшісі Дәурен Абаев, ҚР Премьер-министрінің орынбасары Серік Жұманғарин, Ресей-Қазақстан Іскерлік кеңесінің Қазақстандық бөлімінің төрағасы, «Атамекен» ҰКП басқарма төрағасының орынбасары Тимур Жаркенов және шетелдік желіні дамыту жөніндегі Директор, «Ресей экспорттық орталығы» АҚ Дмитрий Прохоренко қатысты.
Сессияда ұлттық компаниялардың өкілдері, экономика және өнеркәсіп саласындағы жетекші сарапшылар, сондай-ақ екі елдің бизнес-қоғамдастығының өкілдері сөз сөйледі. Іс-шара барысында Ресей мен Қазақстан арасындағы ынтымақтастықта іске асырылған табысты жобалар үлгі ретінде айтылды. Сондай-ақ өзара іс-қимылдың жаңа бағыттары анықталды.
Сессияны ұйымдастыру мен өткізуде Ресей-Қазақстан Іскерлік кеңесі ерекше рөл атқарып, бизнес-қоғамдастық өкілдері мен сарапшыларды тартуға белсенді ықпал етті. Кеңестің күш-жігері арқылы сессия тәжірибе алмасу, жаңа байланыс орнату және Ресей мен Қазақстан арасындағы өнеркәсіптік ынтымақтастықты жақсарту және дамытуға бағытталған перспективалы жобаларды талқылау үшін бірегей мүмкіндік берді.